Photoshop hmang tantirte tan

Hmai paiha ruhro lantir dan…

Hei hi thil har a ni lova, photoshop hman dawn chuan technique zawng zawngah a bul (basic) ber a nih hial ka ring. Hemi technique hi thiam bel tlurh mai la thil dang pawh I harsat loh phah ka beisei.

1. I image duh (original) kha photoshop atang hawng la.

2. Select all (Ctrl+A) la File>New hmangin page thar hawng rawh. OK click la.
3. A var pup lo langah khan Paste (Ctrl+V)

4. A chunga ka thai bial khi layer inthuah-thip remkhawmna leh edit-na a ni. Layer awmzia chu entirnan lehkha phek pathum (a dum, a pawl, a sen) i dah thuaha I duh leh a chung berah a dum, a hnuai berah a sen, a laiah a pawl I dah ang kha a ni mai. I duh chuan a dum pawh a hnuai berah I dah thei a, tin, rawng dang pawh I duh zat zat I dah belh thei a. Chutiang chu a ni mai. A sen a chung berah I dah chuan a chung atanga I thlir chuan a sen I hmu hmasa ber ang. Chutiang zelin….

(Hemi Layer list hi a lan loh chuan a chunga file/edit vel awmna ah khan windows>Layer click mai rawh)

5. Ruhro lem hawng leh la.
6. Select all (Ctrl+A) la a hmaa I paste-na ah tho khan paste leh la. Layer thar angin a awm ang.

7. Ruhro layer kha a chung bera a awm avangin ala hliah run dawn a. Layer ho awmna ah khan a chung ber ami kha hnuk (drag) thla rawh. Chuan ruhro lem chu original picture khan a hliah rih ang.
8. A veilam sir-a toolbox (fig. a) ah khan pen tool zawng la (Fig. b) a chunga tool (fig. c) khi click leh rawh.

Fig. a

Fig. b

Fig. c

9. Pen tool hmang chuan i paih tur lai chin zawng (hmai) kha click kual den den rawh le

10. I click tantirhna leh I tawpna kha a inhmuh chat  hnuah a rin kual chhungah khan right-click la. Make Selection click leh la, (tum tum atan chuan) OK click rawh. Chuan I milem chu a lo in-select ang.
11. Cut (Ctrl+X) la, Paste (Ctrl+V) leh rawh.
12. Hmai chu layer thar angin a in-paste ang.
13. Layer box ah khan ruhro layer kha select la, Toolbox (Pen tool awmna) ah khan pentool ni lo ah dah bawk la (eng tool ah pawh). Hemi ka tih nachhan chu Pentool-a a awm lai hian Transform tool a hman theih loh vang a ni
14. Transform tool (Ctrl+T) or (Edit>Transform>Size) hmangin a len zawng siam dik la. Ruhro chu Nula hmaia leng chiah turin adjust tawh mai tur. A angle a dik loh pawhin right click la angle click la a ni mai. I tih zawhah ‘Enter’ la.
15. A hnuai ami tool (toolbox zing ami) hmang hian a hmai pawt sawn la i duh duhnaah dah rawh le.

16. A chei mam leh tuaihnum chu Smudge tool leh Blur tool (toolbox ami), drop tool leh bevel and emboss (layer list ami right-click in) hmang khan I thiam dan dan khan han chei ve teh lemzzz….

Hei hi ka thlalak ka siam ve chu a ni e.... Check it out...